القهوة العربية

القهوة العربية مشروب عربي يتم اعدادها بطريقة مختلفة عن انواع القهوة الاخرى من بداية حمصها الي طبخها وتجهيزها ، ولا يوجد بيت سعودي لا يستخدم القهوة العربية ، وعندنا كسعوديين أول ما يقدم للضيوف القهوة مع التمر أو الرطب، والقهوة العربية ليست مشروب مميز فقط ولكن لها فوائد غذائية عالية. ومنذ سنوات طويلة تم تقديم القهوة العربية والتي اطلق عليها مؤخرا القهوة السعودية لان لها طريقة في اعداداها تختلف عن الدول الاخرى

سولي الكيف وأرهولي من الدله**** البن الاشقر يداوي الراس فنجاله

طريقة اعداد القهوة السعودية ما يحتاج وصفة صعبة فطريقة اعدادها يتم غلي القهوة المطحونة في الماء وتختلف حسب الاضافات عليها حتى تكون مميزة فالبعض يضيف عليها الهيل وبعضهم الزعفران وبعضهم القرنفل وبعضهم يصنع خلطة خاصة بقهوته . لكن راح نقولكم افضل طريقة لتحضير القهوة العربية واللي دايم نحضرها وتقدر تعملها في بيتك .

مقادير القهوة العربية

3 ملعقة كبيرة قهوة مطحونة طحنة خشنة
1 ملعقة كبيرة هيل
3 كاسات ماء

طريقة عمل قهوة عربية

نصب الماء في الوعاء المخصص للقهوة، نسميه (بكرج) ونتركه حتى يغلي.
نضيف القهوة ونخليها تغلي من 3 الي 4 دقايق.
نضيف الهيل عليها وبمجرد اضافة الهيل راح يتوقف الغلي لمدة 10 ثواني وبعدها يبدأ يغلي مرة ثانية خليه يأخذ له غليتين نسميها (غوشتين).
شيل القهوة من النار وصبها في الدلة وحي بالضيوف وقدمها مع التمر أو الحلى .

قهوة عربية بالقرنفل

مقادير قهوة عربية بالقرنفل

ملعقة هيل
5 ملاعق كبيرة قهوة عربية مطحونة
حبتين مستكة
1 لتر ماء
5 حبات قرنفل
2 عود قرفة صغير

طريقة عمل قهوة عربية بالقرنفل أو الزنجبيل

نصب الماء في البكرج على النار حتى يغلي.
نضيف القهوة العربية ونخليه يغلي 4 دقايق.
أضيف المستكة والهيل والقرنفل والقرفة.
نترك القهوة تغلي لمدة دقيقة ونصف وبالعافية ولا تنسى التمر او الحلى .

قهوة عربية بالزعفران

مقادير قهوة عربية بالزعفران

4 كاسات ماء
نص كوب قهوة عربية محموسة شقراء متوسطة أو أغمق
ملعقة صغيرة قرنفل مطحون ناعم
زعفران حسب الرغبة لاتكثر
ملعقتين كبيرة هيل مطحون خشن

طريقة عمل قهوة عربية بالزعفران

حط الماء في البكرج وضعيها على النار حتى الغليان.
أضيف مقدار فنجان ممتلىء بالقهوة في البكرج وخليها تغلي على نار هادئة جداً اهم شيء لاتفور تقريبا 15-20 دقيقة لين تشم ريحة القهوة الرهيبية
قبل تطفي النار زيد النار لين تاخذ القهوة غليه قوية
اضيف القرنفل، الزعفران والهيل في الدلة مو في البكرج.
صب القهوة في الدلة على خلطتنا السابقة القرنفل والهيل والزعفران.
اتركها دقائق لين تركد القهوة وتندمج مع الزعفران والهيل وتظهر النكهات ثم حي بضيوفك وقدمها مع التمر او الحلى.

إذا عجبتك الوصفات عن طريقة عمل قهوة عربية ارسل المقال لمن تحب

البن كيفه عند من يشترونه والمشكل الي جابها من بلدها
يا مسوي الفنجال لا تحرقونه إحذر من الشعله تعدي صمدها

—-
لاضــاق صــدري جـبـت نـجـر ودلــة
وسويـت مايطفـي لهـيـب بجـاشـي
وان جا المسير عمس عندي دوى له
فنـجـال مـاسـواه خـطـو الخـداشـي
بـكـر عـلـى بـكـر لـيــا جـيــت ازلـــه
يشبـه خضـاب مردوعـات النقـاشـي
يــوم ان ولــد الــلاش يـاقـف بـظـلـه
كنـه عـلـى درب المـراجـل يهـاشـي
حـيـن هشـيـم وحـيـن نـوقـد بجـلـة
ومــــر نـبـهـرهـا ومـــــر بــلاشـــي
ونــوب بيـسـر ونجـمـع الكـيـف كـلـه
ونوب علـى الشاميـة أم الغشاشـي

إنْ ضَاقْ صَدْرِيْ قُمْتْ أَحُوف الْمَعَامِيلْ
أَحُوفْهِـنْ مِـنْ قَبْـل يِبْـدِيْ بْـهِـنّْ عَــار
وَأَحُــطّ بَالْمِحْـمَـاسْ هَـيْـلٍ بَــلاَ كِـيـلْ
وَأَحَمِّـس الطَّبْخَـة عَلَـى حَـاجـر الـنَّـار
لُومِنْ غَـدَتْ مِثْـل السّوَاحِـل بَـلا ذِيْـل
حَمْـرَا وصَفْـرَا وَصَاحـب الكِيـف بِيـطَـار

الشاعر / مدوخ بن ضمنة المطيري
في قصيدة رائعة يوصف بها القهوة و كيفية عملها

البـن كيـفـه عـنـد مــن يشتـرونـه
الطيـب الـلـي جابـهـا مــن بلـدهـا
يــا حامسـيـن الـبـن لا تحـرقـونـه
داروا على الحمسه يعدي صمدها
حـتـى يجـيـك محـمـر تـقـل لـونـه
بـزة جـرادة طالعـة مـن جسـدهـا
عـده علـى اللـي لابتـه يدهلـونـه
لـه ربعـة مـن قـام منـهـا حمـدهـا
وأثنـه علـى اللـي بينـات أطعـونـه
الخيـل يركبهـا الوعـر مـع سنـدهـا
وصبـه علـى اللـي لابتـه يتبعونـه
مـع دربـه الخلـفـاء تضـيـع ولـدهـا
وعده عن اللي واقف وسط شونه
ليـا بـاع شاتـه حافظـلـك عـددهـا
وسـط الجمـاعـة طـايـرات عيـونـه
في كل يومن يحتسب في وعدها